كشف المخرج خالد يوسف عن رأيه في موهبة الفنانة غادة عبدالرازق، وأوضح أن التوقعات لموهبتها كانت كبيرة منذ البداية. وفي لقاءه ضمن بودكاست “بدون مونتاج” مع الإعلامي رجا ناصر الدين، قال: “غادة عبدالرازق في أصلها موهبة كبيرة ممثلة غول مش حاجة قليلة، وغادة لما أخدتها كانت بتاخد أدوار صغيرة ومكنتش في الصعود، وأنا أخدتها في المرحلة دي أدتها أدوار عملت إضاءات على موهبتها الكبيرة وبدأت الناس تلتفت ليها وبدأت تاخد بطولات مسلسلات”. كما أضاف: “وغادة موهبة كبيرة لكن ماكنتش لاقية حظها وحد يفهم حجم موهبتها”. وفي معرض سؤاله عن انتظاره لرد الجميل، أشار إلى أن ذلك لا يشغله: “ولا بيفرق معايا لإن أنا مش بعمل حاجة عشان حد يديني تعظيم سلام ولا بعمل حاجة عشان حد يذكرني ولا عشان التاريخ يقول عني أنا بعمل اللي أنا حاسه، وأنا لا أصنع شيئا من أجل مجد تاريخي أو عشان كلمة إشادة أنا بعمل اللي أنا حاسه”.
فيلم “دكان شحاتة” أُنتج عام 2009 وشارك في بطولته غادة عبدالرازق، وهيفاء وهبي، ومحمود حميدة، وعمرو سعد، وعمرو عبد الجليل، وهو من إخراج خالد يوسف.