محمد شحاتة يعبر عن حزنه العميق بعد وفاة والده قبل نهائي الكونفدرالية

عبّر محمد شحاتة، لاعب الزمالك، عن مشاعره المؤلمة بعد وفاة والده، والتي تزامنت مع ذهاب نهائي الكونفدرالية أمام اتحاد العاصمة. وصف شحاتة تلك الليلة بأنها من أصعب اللحظات التي عاشها في حياته.

وكتب شحاتة عبر حسابه الرسمي على فيس بوك: “ليلة وفاة أبويا.. كانت أصعب ليلة عشتها في حياتي. فضلت أبص في صوره والدموع مالية عيني، ومش قادر أستوعب إن الوش اللي كان منور حياتي بقى مجرد صورة قدامي”.

وأضاف: “كنت بقول لنفسي معقول يا أبويا مش هشوفك تاني معقول أمشي باقي عمري من غيرك كنت بتمنى كل اللي بيحصل ده يكون حلم وحش وأصحى منه. بس الحقيقة كانت أقسى”.

وتابع: “أبويا راح، وساب فراغ عمره ما هيتعوض. وحشني صوتك، وحشني كلامك، وحشني وجودك في كل تفصيلة من حياتي. من يوم ما مشيت والدنيا مبقتش زي الأول، وكل حاجة بقت ناقصاك. الله يرحمك يا أبويا، ويغفرلك، ويجعل قبرك روضة من رياض الجنة، ويجمعني بيك في الفردوس الأعلى”.