أحمد مجاهد ينتقد مجدي عبد الغني بسبب مشكلات نفسية

فتح أحمد مجاهد، رئيس اتحاد الكرة السابق، النار على مجدي عبد الغني، نجم الأهلي الأسبق، وعضو مجلس إدارة اتحاد الكرة السابق.

قال أحمد مجاهد في تصريحات ببرنامج “مودرن سبورتس”: “عمري ما كان في شد وجذب بيني وبين مجدي عبد الغني، هو دايمًا عنده مشكلة معرفش إيه هي!”.

وأضاف: “طول عمري بقول عليه كان لعيب كويس، لكنه مش إداري كويس، دي ممكن تكون مسبباله غصة”.

وتابع: “مجدي عبد الغني شايف إنه نجم واحترف فرجع من الاحتراف مش لاقي نفسه وسط جمهور الأهلي اللي هو لعب له فدايمًا عنده مشكلة مع النادي”.

وأشار إلى أن عبد الغني يشعر بعدم قبول الجمهور له ويعاني من أزمة نفسية بسبب ذلك. كما أضاف: “هو شايف إن الناس بتقول أحمد مجاهد شاطر ومجتهد، فحاسس أنه مش واخد مكانه، دي مسبباله مشكلة”.

وأوضح: “ممكن هو شايف أنه مفروض كان يشتغل في الأهلي ومشتغلش، وفي اتحاد الكرة كان ياخد اهتمام أكبر من كده”. وعلق على المنافسة قائلاً: “مفروض مجدي يضايق من مروان عطية أو طارق حامد لأنهم كانوا بيلعبوا في مركزه”.